ದೆಹಲಿ: ದಕ್ಷಿಣ ದೆಹಲಿಯ ‘ಮಹಮ್ಮದ್ಪುರ’ ಗ್ರಾಮವನ್ನು ‘ಮಾಧವಪುರಂ’ ಎಂದು ಮರುನಾಮಕರಣ ಮಾಡಿರುವುದಾಗಿ ಬುಧವಾರ ಇಲ್ಲಿ ಬಿಜೆಪಿ ನಾಯಕರು ಹೇಳಿದ್ದಾರೆ, ಸ್ಥಳೀಯರು ತಮ್ಮನ್ನು ಯಾವುದೇ “ಗುಲಾಮಗಿರಿಯ ಸಂಕೇತ” ದೊಂದಿಗೆ ಸಂಯೋಜಿಸಲು ಬಯಸುವುದಿಲ್ಲ ಎಂದು ಅವರು ಹೇಳಿದ್ದಾರೆ.
ಪಕ್ಷದ ದೆಹಲಿ ಘಟಕದ ಅಧ್ಯಕ್ಷ ಆದೇಶ್ ಗುಪ್ತಾ ಅವರು ‘ಮಾಧವಪುರಂ’ಗೆ ಸ್ವಾಗತ ಎಂದು ಹೊಸದಾಗಿ ಬಣ್ಣ ಬಳಿಯಲಾದ ಬೋರ್ಡ್ನ ಮುಂದೆ ಕಾರ್ಯಕರ್ತರು ಮತ್ತು ಸ್ಥಳೀಯರೊಂದಿಗೆ ಫೋಟೋಗೆ ಪೋಸ್ ನೀಡಿದರು.
“ಮಹಾನಗರ ಪಾಲಿಕೆಯಿಂದ ಪ್ರಸ್ತಾವನೆ ಅಂಗೀಕಾರವಾದ ಬಳಿಕ ಮಾಧವಪುರದ ನಾಮಕರಣ ಪ್ರಕ್ರಿಯೆ ಇಂದು ಪೂರ್ಣಗೊಂಡಿದೆ. ಈಗ ಈ ಗ್ರಾಮವನ್ನು ಮಹಮ್ಮದ್ಪುರದ ಬದಲಿಗೆ ಮಾಧವಪುರ ಎಂದು ಕರೆಯಲಾಗುವುದು. 75 ವರ್ಷಗಳ ಸ್ವಾತಂತ್ರ್ಯದ ಹೊರತಾಗಿಯೂ ಯಾವುದೇ ದೆಹಲಿಯ ಜನರು ಗುಲಾಮಗಿರಿಯ ಯಾವುದೇ ಚಿಹ್ನೆಯೊಂದಿಗೆ ಸಂಬಂಧ ಹೊಂದಲು ಬಯಸುವುದಿಲ್ಲ.”ಎಂದು ಗುಪ್ತಾ ಟ್ವೀಟ್ನಲ್ಲಿ ತಿಳಿಸಿದ್ದಾರೆ.
“ನಗರದಲ್ಲಿನ 40 ಹಳ್ಳಿಗಳ ಹೆಸರುಗಳು “ಗುಲಾಮಗಿರಿ” ಯ ಅವಧಿಯನ್ನು ಸಂಕೇತಿಸುತ್ತವೆ ಹಾಗು ಅವುಗಳನ್ನು ಬದಲಾಯಿಸಬೇಕೆಂದು ಒತ್ತಾಯಿಸುತ್ತೇವೆ. ಈ 40 ಹಳ್ಳಿಗಳಲ್ಲಿ ಹುಮಾಯೂನ್ಪುರ್, ಯೂಸುಫ್ ಸರೈ, ಮಸೂದ್ಪುರ್, ಜಮ್ರೂದ್ಪುರ್, ಬೇಗಂಪುರ, ಸೈದುಲ್ ಅಜಬ್, ಫತೇಪುರ್ ಬೆರಿ, ಹೌಜ್ ಖಾಸ್ ಮತ್ತು ಶೇಖ್ ಸರೈ ಮುಂತಾದುವು ಸೇರಿವೆ” ಎಂದು ಅವರು ಹೇಳಿದರು.
