ನವದೆಹಲಿ: ಭಾರತದ ಹಾಗು ಏಷ್ಯಾದ ಶ್ರೀಮಂತ ಎಂದು ಗುರುತಿಸಿಕೊಂಡಿರುವ ಗೌತಮ್ ಅದಾನಿ ಅವರ ಒಟ್ಟು ಆಸ್ತಿ ಮೌಲ್ಯವು ಕೇವಲ ಒಂದೇ ಒಂದು ದಿನದಲ್ಲಿ ಗಮನಾರ್ಹವಾಗಿ ಕುಸಿದಿದೆ. ಸುಮಾರು 48,000 ಕೋಟಿ ರೂಪಾಯಿಗಳಷ್ಟು ಕುಸಿತ ಕಂಡಿದೆ ಎಂದು ಅಂದಾಜಿಸಲಾಗಿದೆ. ಹಿಂಡೆನ್ಬರ್ಗ್ ವರದಿಯ ಬಳಿಕ ಅದಾನಿ ಸಮೂಹದ ಕಂಪನಿಗಳ ಬಾಂಡ್ಗಳು ಮತ್ತು ಷೇರುಗಳು ಬುಧವಾರ 3 ರಿಂದ 7 ರಷ್ಟು ಕುಸಿದವು.
ಬಿಲಿಯನೇರ್ ಗೌತಮ್ ಅದಾನಿಯವರಿಂದ ನಿಯಂತ್ರಿಸಲ್ಪಡುವ ಕಂಪನಿಗಳು ಗಣನೀಯ ಸಾಲವನ್ನು ಹೊಂದಿದ್ದು, ಇದು ಇಡೀ ಸಮೂಹವನ್ನು ‘ಅನಿಶ್ಚಿತ ಆರ್ಥಿಕ ತಳಹದಿಯಲ್ಲಿ’ ಇರಿಸಿದೆ ಎಂದು ಹಿಂಡೆನ್ಬರ್ಗ್ ವರದಿ ತಿಳಿಸಿತ್ತು.
ಬ್ಲೂಮ್ಬರ್ಗ್ ಬಿಲಿಯನೇರ್ಸ್ ಸೂಚ್ಯಂಕದ ಪ್ರಕಾರ, ಗೌತಮ್ ಅದಾನಿ ಒಂದು ದಿನದಲ್ಲಿ ಸುಮಾರು 5 ಪ್ರತಿಶತದಷ್ಟು ಕುಸಿದು ಸುಮಾರು $6 ಶತಕೋಟಿ (ಸುಮಾರು ₹48,600 ಕೋಟಿ) ಕಳೆದುಕೊಂಡರು ಮತ್ತು ಅವರ ನಿವ್ವಳ ಮೌಲ್ಯವು ಜನವರಿ 26, 2023 ರ ಹೊತ್ತಿಗೆ $113 ಬಿಲಿಯನ್ ಆಗಿದೆ. ಆದರೆ ಅದಾನಿ ಗ್ರೂಪ್ ಈ ವರದಿಯನ್ನು ತಿರಸ್ಕರಿಸಿದೆ. “ಇದು ತಪ್ಪು ಮಾಹಿತಿ ಮತ್ತು ದುರುದ್ದೇಶಪೂರಿತ ಸಂಯೋಜನೆ” ಎಂದು ಕರೆದಿದೆ.
