ನಿಮ್ಮ ಪಕ್ಕದಲ್ಲಿ ಮಲಗಿರುವವರು ಗೊರಕೆ ಹೊಡೆಯುವವರಾಗಿದ್ದರೆ, ನೀವು ಕಿರಿಕಿರಿ ಅನುಭವಿಸುವಿರಿ ಹಾಗು ನೀವು ಎಚ್ಚರವಾಗಿರುವಿರಿ. ಆದರೆ ಅವರು ಉದ್ದೇಶಪೂರ್ವಕವಾಗಿ ಗೊರಕೆ ಹೊಡೆಯುತ್ತಿಲ್ಲ ಮತ್ತು ಈ ನಿರಂತರ ಗೊರಕೆ ಬೇರೆ ಯಾವುದೋ ಒಂದು ಸಂಕೇತವಾಗಿರಬಹುದು ಎಂಬುದನ್ನು ನಾವು ತಿಳಿದುಕೊಳ್ಳಬೇಕು.
ಗೀಸಿಂಗರ್ ಓಟೋಲರಿಂಗೋಲಜಿಸ್ಟ್ ನ ಎಂಡಿ ಕೆವಿನ್ ಸ್ಟಾವ್ರೈಡ್ಸ್ ಪ್ರಕಾರ ಗೊರಕೆ ಹೊಡೆಯುವ ಅನೇಕ ಜನರು ನಿದ್ರೆಯಲ್ಲಿ ಉಸಿರುಕಟ್ಟುವಿಕೆ ಹೊಂದಿರುತ್ತಾರೆ. ಇದು ಗಂಟಲಿನ ಹಿಂಭಾಗದಲ್ಲಿರುವ ವಾಯುಮಾರ್ಗವು ದೈಹಿಕವಾಗಿ ನಿರ್ಬಂಧಿಸಲ್ಪಟ್ಟಾಗ ಸಂಭವಿಸುವ ಸಾಮಾನ್ಯ ವೈದ್ಯಕೀಯ ಸ್ಥಿತಿಯಾಗಿದೆ. ಉಸಿರಾಟವು ಒಂದು ನಿಮಿಷದವರೆಗೆ ನಿಲ್ಲಬಹುದು ಮತ್ತು ನಿದ್ರಿಸುತ್ತಿರುವವರು ಏದುಸಿರು ಬಿಡಬಹುದು, ಗೊರಕೆ ಹೊಡೆಯಬಹುದು ಮತ್ತು ಎಚ್ಚರಗೊಳ್ಳಬಹುದು.
ಇದಲ್ಲದೆ ಅತಿಯಾದ ಧೂಮಪಾನ, ಮದ್ಯಪಾನ ಮತ್ತು ನಿದ್ರಾಜನಕಗಳ ಬಳಕೆಯು ಕೂಡ ಗೊರಕೆಗೆ ಕಾರಣವಾಗಬಲ್ಲುದು. ಹಾಗು ಒಂದು ಮಗ್ಗುಲಿಗೆ ಹೊರಳಿ ಮಲಗುವ ಬದಲು ಬೆನ್ನಿನ ಮೇಲೆ ಮಲಗುವುದೂ ಕೂಡ ಗೊರಕೆಗೆ ಕಾರಣವಾಗುತ್ತದೆ.
ನೀವು ನಿದ್ರೆಯಲ್ಲಿ ಉಸಿರುಕಟ್ಟುವಿಕೆಯಿಂದ ಬಳಲುತ್ತಿದ್ದರೆ, ನೀವು ನಿರಂತರ ಧನಾತ್ಮಕ ವಾಯುಮಾರ್ಗ ಒತ್ತಡ (CPAP) ಅಥವಾ ಎರಡು ಹಂತದ ಧನಾತ್ಮಕ ವಾಯುಮಾರ್ಗ ಒತ್ತಡ (BiPAP) ಸಾಧನವನ್ನು ಬಳಸಬಹುದು. ಈ ಸಾಧನಗಳು ನೀವು ಮಲಗುವಾಗ ಧರಿಸಿರುವ ಮುಖವಾಡದ ಮೂಲಕ ಗಾಳಿಯನ್ನು ತಳ್ಳುತ್ತದೆ, ನೀವು ಮಲಗಿರುವಾಗ ನಿಮ್ಮ ವಾಯುಮಾರ್ಗವನ್ನು ತೆರೆದಿಡುತ್ತದೆ.
ಇತರರಿಗೆ, ಹೈಪೋಗ್ಲೋಸಲ್ ನರ ಉತ್ತೇಜಕವನ್ನು ಶಿಫಾರಸು ಮಾಡಬಹುದಾಗಿದ್ದು, ಇದು ನಿಮ್ಮ ಕುತ್ತಿಗೆಯನ್ನು ಉತ್ತೇಜಿಸಲು ನೀವು ಮಲಗುವ ಮೊದಲು ಆನ್ ಮಾಡಿ, ನಿಮ್ಮ ವಾಯುಮಾರ್ಗವನ್ನು ತೆರೆಯಲು ಕಾರಣವಾಗುತ್ತದೆ ಎಂದು ವೈದ್ಯರಾದ ಡಾ. ಕೆವಿನ್ ಸ್ಟಾವ್ರೈಡ್ಸ್ ವಿವರಿಸುತ್ತಾರೆ.
ಅಂತಿಮವಾಗಿ, ವಾಯುಮಾರ್ಗವನ್ನು ವಿಸ್ತರಿಸಲು ಶಸ್ತ್ರಚಿಕಿತ್ಸೆ ಇದೆ, ಆದರೆ ಇದು ಎಲ್ಲರಿಗೂ ಉತ್ತಮ ಆಯ್ಕೆ ಅಲ್ಲ. ನಿಮ್ಮ ವೈದ್ಯರು ಮಾತ್ರ ನಿಮಗಿದು ಅಗತ್ಯವೇ ಎಂಬುದನ್ನು ನಿರ್ಧರಿಸಬಹುದು.
