ಬೆಂಗಳೂರು: ನಿನ್ನೆ ಅಫ್ಘಾನ್ ವಿರುದ್ಧ ನಡೆದ ಮೂರನೇ ಟಿ ೨೦ ಪಡ್ನ್ಯಾದಲ್ಲಿ ಅಬ್ಬರಿಸಿದ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಅಬ್ಬರದ ಶತಕ ಸಿಡಿಸಿ ಮಿಂಚಿದ್ದರು. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆದ ಅಫ್ಘಾನಿಸ್ತಾನ ವಿರುದ್ಧದ 3ನೇ ಟಿ20 ಯಲ್ಲಿ ಭಾರತ ಎರಡನೇ ಸೂಪರ್ ಓವರಿನಲ್ಲಿ ಗೆಲ್ಲುವ ಮೂಲಕ ಜಯದ ನಗೆ ಬೀರಿತು. ಆ ಗೆಲುವಿನೊಂದಿಗೆ ಟಿ20 ಸರಣಿಯಲ್ಲಿ ಭಾರತ ವೈಟ್ ವಾಶ್ ಸಾಧಿಸಿತು.
ಈ ಗೆಲುವಿನ ಮೂಲಕ ರೋಹಿತ್ ಶರ್ಮಾ ಅತಿ ಹೆಚ್ಚು ಬಾರಿ ವೈಟ್ವಾಶ್ ಸಾಧಿಸಿದ ನಾಯಕ ಎನಿಸಿಕೊಂಡರು. ಧೋನಿ ಒಮ್ಮೆ(2016) ಮಾತ್ರ ಈ ಸಾಧನೆ ಮಾಡಿದ್ದರೆ, ಕೊಹ್ಲಿ 2 ಬಾರಿ ಮಾಡಿದ್ದಾರೆ. ಆದರೆ ರೋಹಿತ್ ಶರ್ಮಾ 6 ಬಾರಿ ಈ ಸಾಧನೆಗೆ ಮಾಡಿರುವುದು ವಿಶೇಷ.
ತಮ್ಮ ಶತಕದ ಮೂಲಕ ಹಲವು ದಾಖಲೆಗಳಿಗೆ ಪಾತ್ರರಾಗಿರುವ ರೋಹಿತ್ ಶರ್ಮ ಟಿ ೨೦ ಕ್ರಿಕೆಟ್ ನಲ್ಲಿ ಅತಿ ಹೆಚ್ಚು ಶತಕ ಸಿಡಿಸಿದ ವಿಶ್ವಧ ಮೊದಲ ಬ್ಯಾಟರ್ ಎನಿಸಿಕೊಂಡರು. ರೋಹಿತ್ ಒಟ್ಟು ೫ ಶತಕ ಸಿಡಿಸಿದ್ದಾರೆ. ರೋಹಿತ್ ಹೊರೆತುಪಡಿಸಿದರೆ, ಭಾರತದ ಸೂರ್ಯಕುಮಾರ್ ಯಾದವ್ ಮತ್ತು ಆಸ್ಟ್ರೇಲಿಯಾದ ಗ್ಲೇನ್ ಮ್ಯಾಕ್ಸ್ವೆಲ್ ತಲಾ 4 ಶತಕ ಸಿಡಿಸಿದ್ದಾರೆ.
ರೋಹಿತ್ ಈ ಪಂದ್ಯದಲ್ಲಿ 121 ರನ್ಗಳಿಸುವ ಮೂಲಕ ಮಾಜಿ ನಾಯಕ ವಿರಾಟ್ ಕೊಹ್ಲಿ ಅವರನ್ನು ಹಿಂದಿಕ್ಕಿ ಹೆಚ್ಚು ರನ್ ಬಾರಿಸಿದ ನಾಯಕ ಎನಿಸಿಕೊಂಡರು. ಭಾರತದ ಪರ ನಾಯಕನಾಗಿ ವಿರಾಟ್ ಕೊಹ್ಲಿ 1570 ರನ್ಗಳಿಸಿದ್ದರೆ, ರೋಹಿತ್ 1647 ಹಾಗೂ ಎಂಎಸ್ ಧೋನಿ 1112 ರನ್ಗಳಿಸಿದ್ದಾರೆ.
ಕ್ಯಾಪ್ಟನ್ ಆಗಿ ಭಾರತದ ಪರ ಅತಿ ಹೆಚ್ಚು ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದ ದಾಖಲೆ ಕೂಡ ರೋಹಿತ್ ಪಾಲಾಯಿತು. ರೋಹಿತ್ 6 ಬಾರಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದುಕೊಂಡಿದ್ದರೆ, ವಿರಾಟ್ ಕೊಹ್ಲಿ 3, ಸೂರ್ಯಕುಮಾರ್ ಯಾದವ್ 2 ಬಾರಿ ಈ ಸಾಧನೆ ಮಾಡಿದ್ದಾರೆ. ಉಳಿದವರು ಒಂದಕ್ಕಿಂತ ಹೆಚ್ಚುಬಾರಿ ಈ ಸಾಧನೆ ಮಾಡಿಲ್ಲ.
ಟಿ20 ಇನ್ನಿಂಗ್ಸ್ನಲ್ಲಿ ಗರಿಷ್ಠ ರನ್ ಬಾರಿಸಿದ ನಾಯಕ ಎಂಬ ತಮ್ಮದೇ ದಾಖಲೆಯನ್ನ ಕೂಡ ರೋಹಿತ್ ಈ ಬಾರಿ ಸುಧಾರಿಸಿಕೊಂಡರು. ಈ ಪಂದ್ಯದಲ್ಲಿ ಅವರು ಅಜೇಯ 121 ರನ್ಗಳಿಸಿದರು. ಇದಕ್ಕೂ ಮೊದಲೂ ಈ ದಾಖಲೆ ರೋಹಿತ್ ಶರ್ಮ ಹೆಸರಿನಲ್ಲಿಯೇ ಇತ್ತು. ಈ ಹಿಂದೆ ರೋಹಿತ್ ಶರ್ಮ 118 ಮತ್ತು ಅಜೇಯ 111 ರನ್ಗಳಿಸಿದ್ದರು. ವೈಯಕ್ತಿಕ ಗರಿಷ್ಠ ರನ್ಗಳಿಸಿದ ಭಾರತದ ಟಾಪ್10ರಲ್ಲಿ ರೋಹಿತ್ 7ರಲ್ಲಿ ಈ ಸಾಧನೆ ಮಾಡಿದ್ದಾರೆ.
ಈ ಪಂದ್ಯದಲ್ಲಿ ರಿಂಕು ಸಿಂಗ್ ಜೊತೆಗೂಡಿ ರೋಹಿತ್ 5ನೇ ವಿಕೆಟ್ಗೆ 190 ರನ್ಗಳ ಜೊತೆಯಾಟ ನಡೆಸಿದರು. ಇದು ಯಾವುದೇ ವಿಕೆಟ್ಗೆ ಭಾರತದ ಪರ ದಾಖಲಾದ ಗರಿಷ್ಠ ಜೊತೆಯಾಟವಾಗಿದೆ. ಕೊನೆ ಓವರ್ನಲ್ಲಿ ರೋಹಿತ್ (17) ಮತ್ತು ರಿಂಕು ಸಿಂಗ್ (18) 36 ರನ್ ಸಿಡಿಸಿದರು. ಟಿ20 ಕ್ರಿಕೆಟ್ನಲ್ಲಿ ಒಂದೇ ಓವರ್ನಲ್ಲಿ 36 ರನ್ ಸಿಡಿಸಿದ 3ನೇ ನಿದರ್ಶನವಾಗಿದೆ. ಕರೀಂ ಜನತ್ ಬೌಲಿಂಗ್ನಲ್ಲಿ ಈ ಜೋಡಿ 5 ಸಿಕ್ಸರ್, ಒಂದು ಬೌಂಡರಿ ಸಿಡಿಸಿದರು. ಒಂದು ಸಿಗಲ್ ಹಾಗೂ ಮತ್ತೊಂದು ರನ್ ನೋಬಾಲ್ ಮೂಲಕ ಬಂದಿತು. ಈ ಹಿಂದೆ ಭಾರತದ ಯುವರಾಜ್ ಸಿಂಗ್(36) ಮತ್ತು ವಿಂಡೀಸ್ ದೈತ್ಯ ಕೀರನ್ ಪೊಲಾರ್ಡ್(36) ಈ ಸಾಧನೆ ಮಾಡಿದ್ದರು.
